Salbamendu eta sorospen denboraldiak uztailean izango du bere lehen hitzordu handia Nojan eta Laredon, irailaren hasieran Galizian jokatuko den txapelketaren aurretik.
Hondartzako estatuko txapelketak hasteko ez da ezer falta. Bi aste eskas barru, klubeko 36 kirolari infantil kategoriaren eta kategoria absolutuaren artekoak— Kantabriara joango dira Nojako Ris hondartzan eta Laredoko La Salve hondartzan izango diren Espainiako Txapelketetan lehiatzera. Aurten, berrikuntza gisa, denboraldia ez da uztailean amaituko, irailaren hasierararte luzatuko baita jubenil, junior eta absolutu kategorietarako; azken hauek hitzordu berri bat izango dute Udako Espainiako Txapelketan, Carballoko (Galizia) Razo hondartzan.
Egutegiko lehen geldialdia Espainiako Udako Open Txapelketa izango da, uztailaren 18an eta 19an. Txapelketa hau aurten estreinatuko da estatuko zirkuituan, eta banakako probak bakarrik jokatuko dira; bertan, jubenil, junior eta absolutu mailako kirolariek hartuko dute parte Nojako Ris hondartzan. Eszenatoki paregabea da Tabirarentzat, bertan lortu baititu estatuko emaitza handiak; esaterako, Ibai Rodríguezek lortutako urrea eta Adrián Fernándezek lortutako zilarra, biak 2025eko Udako Kopa Nazionaleko Sprint proban. 21 kirolarik bidaiatuko dute, podiumeko postuak borrokatzeko prest.
Egun batzuk geroago, uztailaren 24tik 26ra, lekukoa Laredoko La Salve hondartzara pasatuko da, bertan lehiatuko baita Infantil eta Kadete mailako Espainiako Txapelketa. Klubak 15 soroslez osatutako talde indartsu batekin aurre egingo dio hitzordu honi, eta banakako zein erreleboetako probetan parte hartuko dute. Espedizioaren artean Jakes Gárate dago; badaki zer den estatuko podiumera igotzea, iaz Castellónen jokatutako Banderak proban brontzea eskuratu ondoren.
Klubetik zorterik handiena opa diogu talde osoari ilusioz beteriko bi Txapelketa Nazional hauetan.